Hello Dosto, Ek baar fir se main aap ki khidmat me hazir hoon. Dosto steem ka haal dekh kar mujhe ye lag raha hai ki yaha se regular income ho nahi sakti hai. Isliye main kuch alag alag chije try kar raha hoon. Aaj kal share market ke baare me jankaari le raha hoon. Aur socha kyo na ye jankaari aap ke saath bhi share ki jaaye. Agar aap ko bhi share market ke baare me jaanna hai to iss post ko pura jarur padhna.

https://cdn.steemitimages.com/DQmZZDEdPQnrqZ7LAY9BFefsgqHihhyhKqWqvgxQ4Mjb4PZ/1.jpg

Image Source tradebrains.in

Stock trading, share market trading ye sab ke baare me to maine bahut pahle hi suna tha aap ne bhi suna hoga. Logo ko lagta hai iss me investment bahut karna padta hai mujhe bhi aisa hi lagta tha. Lekin kam investment se bhi iss ko shuru kiya jaa sakta hai. Aur iss me ek aisa system bhi hai jiss me subah paise lagao aur sham tak profit mil jaayega. Lekin share market me jokhim bhi bahut hai ye mat sochna ki iss me sirf profit hi hai. Aayiye iss ke baare me achhe se batata hoon.

Kya hai intraday trading?

Dosto ye wahi hai jo abhi maine upar bataya subah paise lagao shaam tak profit. Lekin loss bhi ho sakta hai. Iss me ye hota hai ki subah jab market shuru hoti hai tabhi aap koi share le sakte hai aur shaam tak profit tak aap ko wo trade band kar dena hai aur agar aap band nahi karte hai to wo shaam ko khud band ho jaayega.

Share market me din bhar share ko kharida aur becha jaata hai. Ye week me 5 din hota hai Somwar se le kar Friday tak aur share market subah 9:15 me khulta hai aur shaam ke 3:30 tak rahta hai. Itna samay se kayi share kharide aur beche jaate hai. Daily ke trade ko hi intraday trading kaha jaata hai.

Dosto abhi ke liye itna hi jyada lamba post hota hai to bhai log padhte nahi hai :p waise post lamba hota hai to main bhi na padhta yaar. Ab baaki ki details main aap ko apne agle post me dunga.