ඊයේ මගේ රටේ වුන සිද්දිය අපේ දේශපාලුවන්ට හොද පාඩමක්. මෙතෙක් කල් රටේ දේ සොරාකමින් උන්ට ඕන ඕන වෙලාවට ඕන ඕන දේවල් කරමින් ජනතාව හැමදාම ගොනාට අන්දමින් සිටි ඒ තුච්ච දේශපාලුවන්ට හොදම පාඩමක් ඉගැන්නුවේ අපේ රටේ තාරුණ්‍යයි. ![image.png](https://cdn.steemitimages.com/DQmdfu99HcnmyQCyqj5bkk4zDZGgCPEeVkPW1ddn1qyZKy1/image.png) [Source](https://cdn.steemitimages.com/DQmdfu99HcnmyQCyqj5bkk4zDZGgCPEeVkPW1ddn1qyZKy1/image.png) අරලියගහ මන්දිරයේදි මිනිස්සුන්ට හොදට කන්න බොන්න දීල එලියට දැම්මේ උන්ගේ මොළවල් වලට විෂ පොවලා. විෂ බීපු කැරලි කරුවෝ හරියට රා බී මත් වුන නාලාගිරි ඇතා වගේ ඉවක් බවක් නැතිව නිරායුධ තරුණයන්ට හිරිහැර කරන්න පටන් ගත්තේ උන්ගේ ඔලු ගෙඩි මෝහනයෙන් මත් කරගෙන. නාලාගිරි ඇතා දමනය කරන්න එදා අපේ ගෞතම බුදුරජාණන් වහන්සේට හැකි වුනද, අපේ නීතිය රකින පොලිසියේ මහත්තුරුන්ට මෙදා ඒ දේ කරන්න බැරි වුණා. බැරි වුණාටත් වඩා උත්හසාහයක් ගත්තේ නෑ කිවොත් නිවැරදියි. ![image.png](https://cdn.steemitimages.com/DQmbkifgfB3VhFMG7XP1pbCLbLmSznECQ6juNj1jKeoocZv/image.png) [Source](https://cdn.steemitimages.com/DQmbkifgfB3VhFMG7XP1pbCLbLmSznECQ6juNj1jKeoocZv/image.png) ඒ මදිවාට කැරලිකරුවන් නවත්වන්න උත්සාහ නොකල කැරළි මර්ධන ඒකකය දෙපැත්තෙන්ම ගෝටගම දෙසට කදුළු ගෑස් එවන්න අමතක කලේ නෑ. මේ ගින්න ඇවිලිලා පැයක් යන්න වුණේ නෑ රට පුරාම තරුණ ප්‍රජාව කතා වෙලා වගේ එකම විදියට එකම මොහොතේ අරලිය ගහ මන්දිරයට ආපු නඩ සොයමින් ඒ ඒ ප්‍රදේශ දෙවනත් කරන්න පටන් ගත්ත. කොළඹින් පිට වෙලා යන්න එකම වාහනයකටවත් ඉඩ ලබානොදෙන්න තරම් සෑම ප්‍රදේශයකම තරුණයන් වග බලා ගත්ත. මේ වගේ වැඩ වලට සහභාගී උන බත් බැලයින්ට එළව එළවා පහර දුන්න විතරක් නෙමේ සවස් වෙද්දී සවස් වෙද්දී මග හැරුණු දේශපාලුවන්ගේ ගෙවල් කුඩු පට්ටම් කරන්නත් උන් පසුබට වුණේ නැහැ. මෙදා පාර අපේ දේශපාලුවන් හැප්පිලා තියෙන්නේ වැරදි පරම්පරාව එක්කයි. මම මෙය අනුමත කරනවා නොව, ඒත් සැබෑවටම සිද්ධ වුයේ මෙයයි. ![image.png](https://cdn.steemitimages.com/DQmc3m1jkVwBdKUGDzzYURDU4jRt6r5a5CFJoWoYBpx3ZnE/image.png) [Source](https://cdn.steemitimages.com/DQmc3m1jkVwBdKUGDzzYURDU4jRt6r5a5CFJoWoYBpx3ZnE/image.png) අපේ තරුණ දරුවනි, නුබලාගේ ආවේගය අපිට සිතා ගත හැකියි. ඒත් මේ සෑම දෙයම කරන්නත් කලින් අපිට රටක් ඉතිරව තිබිය යුතුයි. නුබලා කියා දුන් පාඩම දැන් හොදටෝම ඇති. දැන් නවත්වමු ඒ කළහකාරී හැසිරීම්. නැවතත් අර පරණ පුරුදු නිරායුධ අරගලයට අවතීර්ණ වෙමු. මෙදා සැරේ අපේ දේශපාලුවන් හොද පාඩමක් ඉගෙන ගත්තා නොඅනුමාණයි. මතු මේ රට බාර ගන්නට බලා සිටින අයටද මෙය හොද පාඩමක් වනු ඇත. ![image.png](https://cdn.steemitimages.com/DQmZ9AjXgVpnxf1LMCC8Yt2BJRrtmxtWoWEaLq8dpFP4FE7/image.png) [Source](https://cdn.steemitimages.com/DQmZ9AjXgVpnxf1LMCC8Yt2BJRrtmxtWoWEaLq8dpFP4FE7/image.png) අපේ හිටපු අගමැතිතුමා ගැන දුකයි. මොකද රට බේරා ගත් අපේ වීරයා අන්තිමට යන්න වුණේ බලු වෙලා. කලින්ම එතුමා ගෞරවාන්විතව සමුගත්තා නම් මහජනතාවගේ හිතේ එදා තිබුණ ගෞරවය අදත් එලෙසම පවතින්නට තිබුණා. ඒත් අද එතුමාව මේ පජර වලට ඇද දැමූ කසළ දේශපාලුවන්ට සහ ඔවුන්ගේ හෙන්චයියාලට මතු ආත්මයක් ආත්මයක් පාසා එය පඩිසන් දෙනු ඇත. මහින්ද මහතාණනි අපට ඔබ ගැන දුකයි. ඔබතුමා මේ තත්වයට පත් කළ දේශපාලු හෙන්චයියාලට අපගේ බලවත් අප්‍රසාදය. ස්තුතියි.