![image.png](https://cdn.steemitimages.com/DQmRevMz1x8fcoNLpKjSCqXGpYzh87aGdUbdtgKvDek8zu2/image.png) [Alaala](https://unsplash.com/photos/o6leJO4Sqq8) ***Sa tagpuan kung saan pinagsaluhan ang kaligayahan Puno ng pag-asa at mga pangako Pangakong magmahalan habang buhay Habang buhay at sumumpang di maghihiwalay Dahil ang paghihiwalay ay nagdudulot ng sakit sa damdamin*** ***Sarap namnanamin mga araw ng tag-araw Ang mga alon ay siyang tanging saksi Kung saan tayo'y nagkatagpo at nag-ibigan Sa romantikong lugar tayo ay nagkakilala At bumuo ng ating mga pangarap para sa kinabukasan*** ***Sa pag-ibig tandaan lagi Hindi nababasa ang tunay na kulay Maraming nilalalang ang mapagpanggap Ikaw ay bubulagin ng kagandahang asal Animo'y mga tupang maamo yun pala'y ulupong*** ***Sa mundong punong-puno ng ilusyon Lahat ng palingan ay makulay Kapaligiran lahat ay mapanuksong alay Matatamis na salita at pangungusap Maghinay-hinay ng di matisod sa nakaabang na peligro*** ***Sadyang ganyan ang pag-ibig Kaakibat ang luha, pait at hinagpis Ligaya, galak at tuwa ay katuwang din Kasiyahan, kaligayahan at kalungkutan Sa tamang lugar at damdamin ngunit maling nilalalang*** ***Katulad ng blangkong pahina, isang sariwang pagsisimula May mga panahon na ang sakit sa loob ay labis-labis Lumuluhang kaluluwa at katawa'y tumanggi ng mabuhay Nagdurugong puso at nangangatal na katawan Pagsisimula ng buhay na tulad ng impeyerno*** ***Sa pusong tinatahanan ng pait Isang kaluluwang kasing lamig ng isang niyebe Ang pusong wala ng linamnam na tamis sa mga alaala Nakapahinga sa bagong buhay na naghihintay sa unahan May aninag na ilaw sa mapanglaw na kapaligiran*** ***Galit at poot ay huwag magtanim Di pagkakaunawaan ay huwag patagalin Pag-usapang mahinahon ang tampuhan Dahil miminsan lamang matatagpuan Pagibig na di magmamaliw*** **Original Na Tula ni @joshuelmari**