![Picsart_22-02-22_06-34-38-117.jpg](https://cdn.steemitimages.com/DQmU94xQommNPUxFQHkrbmjb2ZJqQNj6pXbV9UMHXATwHyR/Picsart_22-02-22_06-34-38-117.jpg) **photo designed via canva.com**

*Akoy napaibig at napaisip na rin Sa next na tulang aking susulatin Napili koy napapanahong talakayin Halika't sabay natin itong himayin*
*Handa ka na ga sa darating na halalan Ikaw gay excited at tu ong kinakabahan Isa ka ba sa mga politkong makikipaglaban? O botanteng naghahanda ng kanyang listahan?*
*Ang eleksiyon 2022'y sadyang kay ingay Bawat partidoy may kanya kanyang kulay Wari koy kaydami na ding nagaaway-away Nalimutan nang bumalik sa tunay na buhay*
*Lahat tayo ay mayroong kalayaan Sadyang kanya kanya ng karapatan Pero wag naman nating kakaligtaan Na mainam pa rin ang pagkakaunawaan*
*Isa sa napansin ko'y ang social media Talaga namang kaylaki ng epekto niya Sa paghukay ng ibang issue'ng inaamag na Anu nga ba ang patunay na tunay lahat sila*
*Tungkol sa resulta ng ating boto't desisyon Kahit sino pa ang manalo sa anumang posisyon Kung meron pa ring mga ayaw at nasa oposisyon Aba'y wag na nating asaming Pilipinas ay aahon*
*Dumako tayo sa kunwaring bukas o hinaharap Mga bagay na pang ekonomiyang nais malasap Maaabot na ba ang murang bilihin sa merkado? Gayundin ang pag angat ng piso't taas ng sweldo?*
*Sa tingin mo ba'y matatapos na ang kahirapan? Pati problema sa droga ay tuluyang mawawakasan? Wala na bang pamilynag magtitiis at magugutuman? Lahat kaya ng bata'y makakatuntong na sa paaralan?*
*Kayraming mga bagay ang dapat pakalimiin Ang iba'y teknikal na at kayhirap isipin Pero ito'y mahalaga sa kinabukasan natin Lalo na sa mga henerasyong susunod sa atin*
*Kaya naman ang payo nang may akdang kayganda Wag tayong magpalamon sa sistema ng politika Subukan nating sa mga puso't gawa'y magkaisa Panatilihing panalangin ang matibay na sandata*
Hanggang sa muli... ![image0.png](https://cdn.steemitimages.com/DQme418WfvoCBNd53yzMVArFJmNJKjihecCjUVfVUyqiWo1/image0.png)