https://img.esteem.ws/thbix5ompg.jpg Imahe: WorldAtlas Kumikinang, kumikidlap-kidlap, medalyang nangungusap, Medalyang ginto, sa wakas ay naangkin: animo'y alapaap. Ginto na nagsisilbing patunay ko't parangal sa buhay, Sa paghihirap ito ang bunga at sa inyo'y inialay. Ang gintong medalya ay siyang sumisimbolo, Sa paikot, pabilog at makinang na buhay ng tao, Siyang magiging patunay sa aking paglago, Ang magiging paraan na buhay ay mabago. Ngunit ang medalyang ginto, aking tinitigan, Sarili tinanong, "ito na ba ang hangganan?" Subalit may sumagot sa aking kaloob-looban, Ginising ang diwa't may nakitang hagdanan. Ang gintong medalya pala ay pasimula lamang, Ng mga dadanasin ko sa buhay na hibang, Ang makinang na parangal ay siyang aking sandata, Upang harapin ang bukas na siyang tinadhana. Ngunit lagi nating pakatandaan at isipin, Mga parangal ay isang bahagi lamang natin, Ang tunay na aral ng buhay ay ating isadiwa, Magpakabuti sa hangarin, may medalya o wala. Ngunit sa kulay na ginto, ikaw din ay matututo, Na ang iba ay huwad lamang at hindi totoo. Ginto man kung titingnan, ikay huwag padadala, Mas tunay ang nasa puso ng bawat isa. Masarap talaga ang gintong parangal, Kung isabuhay ang pagkataong marangal, Kung gagamitin ang dunong sa tamang paraan, Ikaw ay isang tunay na ginto, magpakailanman. ♡♡♡♡♡♡♡♡♡◇◇◇◇◇◇◇◇◇◇♧♧♧♧♧♧♧♧ ***Ang tulang ito ay ang magsisilbi kong kalahok sa patimpalak ni @jassennessaj. Sa mga nais sumali, basahin lamang ito: Word Poetry Challenge #3. Tema : Gintong Medalya | Tagalog Edition

![signature_1.gif](https://steemitimages.com/DQmVr1yxQTxEDDWroj9T5TLsWDpmEZNmfbHkwz9FzQw59yi/signature_1.gif) https://steemitimages.com/DQmcFHMQG1ySzdsLG6d4yQuCHspKyrnUBofRTeZxi8YtYi5/bingcaingo_steemph.png

https://steemitimages.com/DQmc4ZBKACzZjyxVVK3nRcDUp7MYNtH4e97yQSPAKEJYn8G/28907599_1604476682920715_1940563865_n.png

I have voted for my witness. How about you? Consider casting your witness votes for @steemgigs (@surpassinggoogle), @precise, @cloh76.witness, @ausbitbank and @curie who have been adding invaluable contribution to the community. To cast your votes, just go to https://steemit.com/~witnesses